Mwynhaodd dysgwyr o Addysg Oedolion Cymru ymweliad addysgol ysbrydoledig gydag Oriel Gelf Glynn Vivian yn Abertawe, a drefnwyd gan y Cydlynydd Datblygu Cwricwlwm Julie Isaac-Evans ac fe arweiniwyd gan y tiwtor celf Lawrence Mathias.

Arweiniodd Lawrence y grŵp drwy’r arddangosfeydd, gan rannu mewnwelediadau am y gweithiau celf ac annog trafodaeth. Creodd y dysgwyr eu brasluniau eu hunain yn ystod yr ymweliad hefyd a myfyrio ar eu gwaith drwy drafodaeth grŵp.

Un uchafbwynt oedd cyfraniad Teresa, dysgwr o gwrs celf Lawrence yn Abertawe, a helpodd i greu gwaith celf trawiadol o’r ddraig Gymreig sy’n cysylltu gydag India. Mae’r darn hwn yn cyd-fynd yn berffaith ag arddangosfa gyfredol yr oriel Teigrod a Dreigiau: India a Chymru ym Mhrydain, a bydd yn cael ei arddangos tan 2 Tachwedd.

Esboniodd Teresa fod y prosiect draig cydweithredol wedi cymryd tua chwe mis i’w gwblhau gydag eraill yn Oriel Glynn Vivian, a chanmolodd Lawrence am ei anogaeth a’i gefnogaeth ers iddi ymuno ag un o’i gyrsiau celf yn gynharach eleni. Mae hi’n rhoi clod i’r dosbarthiadau am hybu ei hyder a’i chreadigrwydd.

O fis Medi ymlaen, bydd Lawrence yn cynnal dosbarthiadau celf ar-lein ac wyneb yn wyneb yn ardal Castell-nedd Port Talbot ac yn Abertawe. Mae dysgwyr yn ei ddisgrifio fel tiwtor amyneddgar, cadarnhaol sy’n annog, gyda’r sesiynau’n cynnig lle therapiwtig a phleserus i ddatblygu sgiliau creadigol.

Beth am gofrestru a gweld ble gallai eich creadigrwydd eich arwain?

Am ragor o wybodaeth, cysylltwch gyda Julie Isaac-Evans yn Addysg Oedolion Cymru.

07849632414

Julie.IsaacEvans@adultlearning.wales